කාට දෙමුද මේ තරු හතර


පත්තරේ කතෘ මහත්තය කතා කෙරුව ලියනවඩුට.අයිසේ අර තරු හතර ගලවපු එක ගැන මිනිස්සුන්ගෙන් අදහස් අහල ලියමුකො ලියුමක්.මෑන්ස් ඉතින් දනි පනි ගාල බෑග් මල්ලත් කරේ එල්ලගෙන බැස්ස පාරට.ජහමනයාගෙනුයි දියවන්නා වැසියන්ගේයි අදහස් මොනවද කියල බලන්න.පාරට බැහැල ඔන්න යනවා මිනිහ මහා ලඹේ පැත්තට.අලුත හදන මාලිගාවක් ඉස්සරහ හිටගෙන ඉන්නවා එක්කෙනෙක් ලෙමන් පෆ් එකකුත් කකා.ඉතින් ලියනවඩු උන්නැහෙත් කිට්ටු කරලා බැලුව මේ ජහමනයගෙන් අදහසක් අහල ලියා ගන්න කියල.අඩේ අප්පා මේ මොන ජහමනයෙක්ද,මේ අපේ උපවාසවංශ ඇමටිතුමානේ.ඉතින් අදනම් වෙලාව හොඳයි කියල කල්පනා කරපු අපේ මෑන්ස් පැනල අහන්න තිය ගත්ත ප්‍රශ්නේ.”ඇමටිතුමා,අර ඇෆ් ඇස් ගේ තරු හතර ගලවල දාපු එක කාගේ කුමන්ත්‍රණයක්ද?”

“මේ වගේ තුච්ච , නීච , නින්දිත, පහත් වැඩ කිරීමෙන් අධිරාජ්‍යවාදීන් බලාපොරොත්තු වෙන්නේ තිස් වසරක ශාපලත් යුද්ධය ඉවර වෙලා මේ නවෝදයේ නව හිරු කිරණ දකුණින් මේ පින්බර මවුබිමට උදාවෙන ඒ උතුම්,ශ්‍රේෂ්ඨ,ඉතිහාසගත,එයින්ද්‍රීය අවස්ථාව අංශක 180 ක් ආපස්සට හරවා …………………………….”

ඔන්න පැන්නා පිය විජේ උන්නැහේ.නායකතුමා,”නායකතුමා මේ අහන්නේ අර අරූ ගැන.අර පහුගිය මහා නිලමේ තරගෙන් පැරදිලා හිරේ ගියේ.අන්න ඒ මෑන්ස් ගැන.”

“අප්පට සිරි ගජ,පප්පට දෙහි ගැට කිව්වලු.ඒකද මේ අහන්නේ.අද රටේ සංවර්ධනය,සදාචාරය,සාහිත්‍යය,ඉතිහාසය,ගෘහ විද්‍යාව අනභිභවනීය ලෙස සුරකිමින් ,විදේශීය බලවේගවල සහ ඇන්ජීඕ කාක්කන්ගේ කුමන්ත්‍රණ පරාජය කරමින් රට නව දැක්මක ත්වරණයක් යටතේ ඉදිරියට යන අවස්ථාවේදී , මේ රජතුමා විසින් ගත්තා වූ ඓයිතිහාසික,සුවිශේෂී වූ තීන්දුව ඉතිහාසයේ ඉහලින්ම ලියවෙන අතිශය වැදගත් වූ අවස්ථාවක් හැටියටයි  මේ අවස්ථාවේ අර්ථ දැක්වෙන්නේ. ”

“ඉතින් ඇමටිතුමා හිතන්නේ ඔය ගලෝපු තරු හතර කාට දෙන්න ඕනේ කියලද?…ආයේ ඉතින් කතා දෙකක් නෑ.එකක් දෙන්න ඕනේ මහා රජ්ජුරුවන්ට.දෙකක් දෙනවා සූත්තර යුවරජතුමාටයි,අයි ආර් සී යුවරජතුමාටයි.ඉතුරු එක අනිවාර්යයෙන්ම යන්න ඕනේ පිච්චමල් කුමාරයට තමයි.ඉතින්”

ලියනවඩුත් එතනින් හම්බවෙච්චි බිස්කට් එකකුත් කකා ආයෙත් පාර දිගේ යනවා සුදු චරිතේ පැත්තට.අප්පට සිරි මේ ඉන්නේ රන් ඉල්ලන්කා මහත්තය බැබලි බැබලි.”ආ මල් ඊ ඊ ඊ ඊ ….මොකෝ මේ පැත්තේ ඒඒඒ.. “ඉතින් අපේ මැන්සුත් එකත් පස්ව ඉදගන අහනවා දැන් ප්‍රශ්නේ.”මම මේ ආවේ නායකතුමා අර තරු හතර ගලවපු එක ගැන ඔබතුමාගේ අදහස මොකද කියල දැනගන්න.” ඔන්න ඉතින් රන් ඉල්ලන්කා උන්නැහේ හරි බැරි ගැහිලා උත්තරේ දෙනවා මෙන්න මෙහෙම.

“ආණ්ඩුව වැරදියි.ඒකයි අපි කියන්නේ.මේ ආණ්ඩුව ගෙදර යවන්න ඕනේ.රට පාලනය කරන්න බෑ.ඒකයි.මම හිටියනම් ඔහොම නෙවෙයි.පිටරට යාලුවෝ ඉන්නවා.අහන්න පුළුවන්.ඒකයි.”

“නායකතුමා එතකොට ඔය ගලොපු තරු හතර කාටද දෙන්න ඕනේ කියල හිතන්නේ……”
“මට දෙක් ආආආආ යි.එකක් දෙනවා අකී ඊ ඊ ඊ ඊ ට.සා ආආආ ලට අනික දෙනවා.හා හා මල්ලි මට වෙන පරක්කු වෙන්න බෑ.ඔය ඔය කියපු ටික ලියාගන්න.මට යන්න තියනවා හවසට තේ බොන්න මුරුංග ගහ වලව්ව පැත්තේ අලුත හම්බවෙච්චි බෙන්ස් එකේ.”රන් ඉල්ලන්කා මහත්තය කලිසමත් උස්ස උස්සා දුවල ගියා.ලියනවඩු වටේට රේඩාර් එක ගහල බැලුව දැන් යන්නේ කොහෙද කියල.

යන දිහාව කල්පනා කර කර පාර දිගේ යද්දී දන්නෙම නැතුව පැලපොල්වත්ත පැත්තටනේ ඇවිත් ඉන්නේ.ප්‍රධාන කන්තෝරුව ඉස්සරහ හිටගෙන ඉන්නවා රතුවංශ උන්නැහේ ලිප්ටන් එක පැත්තේ යන්න ලෑස්තිවෙලා.ලියනවඩු ඒ ගමන යන්න කලින් උන්නහෙව අල්ලගන්න දුවල ගියා හති දාගෙන.නායකතුමා වටරවුම පැත්තේ යන්නේ තරු ගලවපු එකට විරුද්ධව උද්ඝෝෂණය කරන්න වෙන්න ඇති නේද?”පිස්සුද මල්ලි මදිද එක පාරක් කරන්න ගිහිල්ල කට්ටිය ගාල්ලේ පොලිසියේ කූඩු කෙරුව.ඉතින් ආයෙත් පලයන්කෝ  ඒක කරන්න.ඔය තරුව තිබ්බත් එකයි නැතත් එකයි.ඔන්න ඔහේ වෙන වැඩක් බලාගන්න ඔයත්.”ලියනවඩුත් අරින්නෙම නෑ.” එහෙනම් නායකතුමා කියන්නකෝ ඔය තරු හතර කාටද දෙන්න ඕනේ කියල.කාට දුන්නත් අපිට මොකටද මල්ලි.ඔයා ගන්න ඔයාට ඕනෙනම්.”ඉතින් වැඩේ වල් උන තැන අපේ මැන්සුත් වෙන දියවන්නාවෙක් හම්බවෙන්න කියල දැන් යනවා නුවර පාර දිගේ.

ගිහින් ගිහින් ලුනුමිරිස්ගොඩ පහුවෙන්න  හම්බවුනේ නෑ.මෙන්න ඉන්නවා පොරක් ලනුවකුත් අතේ තියාගෙන.ලඟට ගියාම තමයි දැක්කේ කවුද මේ ඩයල් එක කියල.කෙලා හුටා.පිනචාර්ය ගැමුණු.ලියනවඩුගේ කකුල් දෙක වෙව්ලනවා,දුවන්න තිය මුවා වෙන්න ගසකුත් නැති වෙලාවේ.පින් ගැමුණු කතා කල ඔන්න යන්තම්.”හා හා උඹ බය වෙන්න එපා .උඹව බඳින්නේ නෑ.මම මේක මේ තියාගෙන ඉන්නේ ඉල්ලන කෙනෙකුට දෙන්න ඔනෙනෙම් බැඳගන්න කියල.උඹට ඕනෙද? අනේ අපොයි.ආචාර්යතුමෝ,මටනම් එපා.හා හා එපානම් කමක් නේ.මොකද මේ අල්ල පනල්ලේ කොහෙද යන්නේ කියපන්.ඉතින් ඇගට ලේ ටිකක් උනපු මෑන්ස් කතා කරලා කියනවා කාරණාව.ඉතින් මන්ත්‍රීතුමාගේ අදහස මොකද්ද මේ සීන් එක ගැන.”

පින් ගැමුණු උත්තර දෙනවා ඔන්න.”උඹ හිතනවද තව ආත්ම දෙක තුනකින් බුදුවෙන්න ඉන්න උත්තමයෙක් වැරදි වැඩක් කරයි කියල.නෑනේ.හැබැයි ඔන්න මේ ලුනුමිරිස්ගොඩ වැයික්කියේ ඔය වැඩේ නරකයි කියල එක එක නාඩගන් නටන්න අවොත් මම ආයේ හිතන්නේ නෑ මම තව ආත්ම දෙක තුනකින් නිවන් දකින්න ඉන්න මිනිහෙක් කියල.හරිය.ඕවට ඇවිත් ආපහු කියන්න එපා පින් ගැමුණු නරක මිනිහයි කියල.හරිය.පේනවනේ දැන් දළුගම ලොකු ඉස්කෝලේ එවුන්”.ලියනවඩු ෆුල් හොල්මන් දළුගම ලොකු ඉස්කෝලේ උන්ට මොකද උනේ කියල.මිනිහ හිමිහට අහනවා “හැබැටම එකේ මොකද උනේ.මේක උඹට හිතවත් හින්ද කියන්නේ,ලියන්නේ එහෙම නෑ හරිය.උන්ට ගහල වැඩක් නෑ ඕයි.තාම ඉස්ට්‍රයික් කරනවනේ.”කියවන ගමන් පින් ගැමුණු අහනවා,”මල්ලි දෙන්නද ලනුව බැඳ ගන්න?” ආයේ ලියනවඩු දෙවෙනි ප්‍රශ්නේ අහන්න හිටියේ නෑ.පණ එපා කියල දුවගෙන ගිහින් නැවතුනේ කැළණි පාලම උඩ හති අරින්න.

ටිකක් හති ඇරලා කල්පනා කෙරුවම,………මලා,දියවන්නාවේ ඇයන්ගෙන් අදහස් ගත්තා මිසක් ජහමනයෙක් හම්බ උනේ නෑනේ ඉතින්.හිතන් කොටම පාලම දිගේ එනවා ජහමනයෙක්.ඉතින් වැඩේ ඉවර කරගන්නත් එක්ක මෑන්ස් ජහමනය නවත්තගෙන හර බර විදියට ඇහුව ප්‍රශ්නේ.”ඔබ තුමා මොකද්ද හිතන්නේ මේ තරු වැටීම ගැන?” ජහමනයත් කල්පනා කරලා කරලා මෙහෙම කියනවා.

“එයා මහා නිලමේ තරගෙ පැරදුන හින්ද එයාගේ තරු ගැලවෙනවා.මුලන මැද නිලමේ පැරදුනානම් එයාගේ තරු ගැලවෙනවා.සංසාරේ…සංසාරේ..ඉවරයක් නෑ ඉතින්.කැරකෙනවා..කැරකෙනවා..”ඔන්න බලමුකෝ ඉතින් ජහමනයත් කියන දේවල් වල හැටි.ලියනවඩු අහනවා අන්තිම ෆයිනල් ප්‍රශ්නේ.”දැන් ඔය ගලවපු හතර කාටද දෙන්න ඉතින්?”

ජහමනයා ආයෙත් කල්පනා කරනවා.කරල කරල කරල කියනවා,”එකක් දෙමු පී කේ ට,තව දෙකක් දෙමු කරුනේටයි පිල්ලිටයි.” එතකොට තව එකක් ඉතුරුයිනේ?”ඒක ඔන්න ඔහේ පේන තැනකින් උඩ එල්ලලා තියන්න බැරිවයි.අපි කොහොමත් ජීවත් වෙන්නේ ඕක පෙනිපෙනිනේ .”

Advertisements

3 thoughts on “කාට දෙමුද මේ තරු හතර

ගල්ද මල්ද සමසිතින් පිළිගනිමී. වාරණ නොමැත.

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )